Американскиот претседател Доналд Трамп вчера го одржа првиот состанок на владата од неговиот втор мандат.
На состанокот, меѓу другите, присуствуваше и милијардерот и шеф на Одделот за владина ефикасност (DOGE) Елон Маск, кој ги претстави плановите за намалување на федералниот дефицит.
За време на состанокот, Трамп ја истакна важноста од почитување на неговите упатства и, на смеа од позадина, рече дека ќе ги исфрли оние кои не се задоволни со Маск.
Имено, Маск требаше да одговори на новинарско прашање кога Трамп го прекина и праша дали некој е незадоволен од него.
„Еј, Илон, нека разговараат министрите малку. Дали некој е незадоволен од Илон?“
On day 39 of his presidency, Trump held his first cabinet meeting, sharing the spotlight Elon Musk, and threatened to throw anyone out who objected to his presence.
US correspondents @Stone_SkyNews and @jamesmatthewsky discuss the stand-out moments ⬇️
— Sky News (@SkyNews) February 27, 2025
„Случајно го откажавме финансирањето за превенција од ебола“
Маск, кој ја предводи Канцеларијата за владина ефикасност на Трамп, ја опиша групата како „најдобриот кабинет досега“.
„Мислам дека никогаш не бил составен таков талентиран тим“, рече тој.
Трамп изјави дека има „многу прашања“ за улогата на ДОГЕ и Маск, но нагласи дека крајната цел на групата е да го намали националниот дефицит на САД.
Маск рече дека сакаат да го елиминираат долгот од 3 трилиони долари до септември и се обидуваат да ги намалат трошоците од милијарди долари секој ден.
Во еден момент, Маск призна дека неговиот оддел веќе направил грешки.
„Една од работите што случајно ги откажавме многу кратко беше финансирањето за превенција од ебола“, рече тој.
„Мислам дека ќе сакаме да ја спречиме еболата, па веднаш ја вративме и немаше прекин“, додаде тој.
Водачот на DOGE подоцна истакна дека добил „многу смртни закани“ за неговата работа.
Трамп рече дека Одделот испратил е-пошта до владините службеници и побарал од нив да одговорат и да докажат дека постојат.
„Пет работи што ги постигнавте минатата недела“
Од примателите се бараше да дадат едноставен одговор со објаснување пет работи што ги постигнале во изминатата недела, но многумина, според Трамп, не одговориле.
„Обично тоа значи дека таа личност можеби не постои или можеби не сака да каже дека работи за друга компанија“, рече Трамп.
Трамп потоа почна да го фали својот новоименуван тим, тврдејќи дека илегалните премини на границите „паднале“ откако тој беше инаугуриран.
Тој, исто така, ја критикуваше претходната администрација за неуспехот да постигне мир меѓу Русија и Украина и најави дека украинскиот претседател Володимир Зеленски утре ќе биде во Вашингтон. „Таа војна никогаш немаше да се случи ако јас бев претседател“, рече Трамп.
Во објавата на Truth Social, Трамп рече дека сите членови на кабинетот се „среќни“ со Илон.