Тајланд ги укина визите за граѓаните на Косово, објави во вторник косовската министерка за надворешни работи Доника Гервала.
Таа на Фејсбук изјави дека ова „достигнување ја одразува нашата континуирана посветеност за проширување на меѓународните можности и зајакнување на дипломатските врски со земјите ширум светот“, пренесува РСЕ.
Одлуката за виза стапува на сила веднаш.
Во соопштението на МНР се наведува дека граѓаните на Косово ќе можат да престојуваат во Тајланд без виза до 60 дена во текот на годината, за туристички или деловни цели.
Премиерот Албин Курти како реакција на таа вест изјави дека пасошот на Косово е се појак.
Досега граѓаните на Косово можеа да патуваат без визи во 50 земји во светот, а визите може да се добијат веднаш штом пристигнат во уште 39 земји.