Олујните облаци конечно се собираат над националниот парк Хванге во Зимбабве, но веќе е доцна за повеќе од стотина слонови кои подлегнаа на долготрајната суша порано во текот на летото.
Симба Марозва и другите чувари во резерватот на Зимбабве сега треба да ги исечат забите од труповите кои се распаѓаат за да ги спречат ловокрадците да ги пронајдат.
Глетката е потресна: поцрнети трупови го обележуваат пејзажот каде дождовите доцнат повеќе од шест недели, а температурите редовно достигнуваат 40 степени.
Некои паднале во исушени дупки, други ги поминале последните часови во сенка на дрво.
Во просек, еден слон пие над 200 литри вода и јаде 140 килограми храна дневно.
Повеќе од 200 слонови умреле од сушата до 2019 година. Ренџерите веруваат дека моменталната ситуација е уште покритична.
Потрагата по вода ги става во опасност слоновите, бидејќи опасно се приближуваат до населените места на периферијата на паркот.
Жедните црпат од базените на куќите или хотелите или пијат од водни точки загадени со трупови на животни, пренесува „Африка њуз“.