Во четврток, турската полиција приведе 384 лица кои учествуваа на митинзите по повод Меѓународниот ден на трудот, соопшти Канцеларијата на гувернерот на Истанбул.
Демонстрантите се судрија со полицијата поради забраната за јавни собири на плоштадот Таксим.
Демонстрантите се обидоа да маршираат кон централниот плоштад Таксим во градот, но беа блокирани и турнати назад од полицијата, по што избувнаа судири додека демонстрантите се обидуваа да ги пробијат барикадите, јавува Ројтерс.
Видеата прикажуваат судири меѓу полицијата во опрема за разбивање на демонстрациите и насобраните луѓе, јавува Танјуг.
Синдикатите и невладините организации повикаа на протести и марш во Истанбул, каде што во последните недели се одржаа масовни демонстрации поради притворањето на градоначалникот и главен политички ривал на турскиот претседател Реџеп Таип Ердоган, Екрем Имамоглу.
Илјадници луѓе се собраа во Анкара на претежно мирни маршеви и демонстрации, а собири се одржаа и во други турски градови.