„Шепот на руските поети“ – настан посветен на руската поезија, поточно на неповторливите Сергеј Александрович Есенин и Александар Сергеевич Пушкин, утре ќе се одржи во малата сала на Центарот за култура „Трајко Прокопиев“ – Куманово.
Стихови испишани во името на татковината и љубовта, вечните теми на овие двајца поети, ќе бидат донесени пред публиката , на македонски и руски јазик, а ќе ги интерпретираат Тина Трајковска, Благој Мишев и Оливера Трајковска, вљубеници во пишаниот збор.
