Шефот на британската тајна разузнавачка служба МИ6, Ричард Мур денеска изјави дека Русија спроведува „зачудувачки непромислена“ акција во Европа со цел да ја намали поддршката за Украина.
Мур изјави во Париз дека рускиот претседател Владимир Путин нема да биде задоволен со доведување на Украина во статус на вазална држава.
Нашата безбедност – британска, француска, европска, трансатлантска – би била загрозена, рече Мур.
Тој рече дека Путин штрака со оружјето на нуклеарната војна во Европа за да сее семе на страв за давање помош на Киев, пренесува Ројтерс.
Трошоците за помош на Украина се познати, но трошокот да не се помогне би бил бескрајно поголем.
Ако Путин успее, Кина би била склона да се вклучи, Северна Кореја би се охрабрила и Иран би станал уште поопасен, рече Мур.