Откако рускиот политичар, пратеник и мултимилионер Павел Антов, член на партијата на Путин, Единствена Русија, беше пронајден мртов пред хотел во Индија, се шпекулираше за причината за неговата смрт.
Да потсетиме, Антов беше на патување со тројца свои пријатели по повод неговиот 66-ти роденден.
Неговиот пријател починал два дена пред тоа
Антов неодамна го критикуваше рускиот претседател Владимир Путин за војната во Украина, но тој набрзо ги повлече критиките.
Тој почина откако падна од третиот кат од неговиот хотел на 24 декември.
Неговиот пријател Владимир Бајденов два дена претходно беше пронајден како лежи во несвест во својата соба, а лекарите во окружната болница констатираа смрт.
Олександер Шерба, украински дипломат кој работеше како амбасадор на Украина во Австрија од 2014 до 2021 година, коментирајќи го инцидентот потврди дека рускиот генерален конзул во Калкута изјавил дека полицијата не гледа ништо сомнително во врска со смртта на Анто, пишува Sky News.