Руската државна телевизија предупреди дека Кремљ ќе ги нападне САД со нуклеарно оружје доколку Украина ја ескалира војната на „нуклеарно ниво“.
Рускиот политички коментатор и претседател на Рускиот институт за Блискиот Исток, Евгениј Сатановски, го изјави ова во видео клип кој брзо стана вирален.
Советникот во украинското Министерство за внатрешни работи, Антон Герашченко, го сподели видеото на својот профил на Твитер на 12 јуни, а видеото досега е прегледано повеќе од сто илјади пати, пренесува Newsweek.
Коментарите уследија откако рускиот претседател Владимир Путин минатиот петок објави дека ќе започне со испраќање нуклеарно оружје во Белорусија на 7 и 8 јули, неколку дена пред договорениот самит на НАТО во соседна Литванија.
„Прашањето е дали ќе дојде до нуклеарна фаза или не? Затоа што ако работите продолжат вака, тоа дефинитивно ќе се случи“, изјави Сатановски на руската државна телевизија.
„И нема да се работи за тактичко, туку за стратешко нуклеарно оружје со кое ќе ја нападнеме Украина, верувајте ми, Соединетите Американски Држави и сите цели кои мора да бидат во центарот на вниманието“, додаде тој.
„Тие се таму уште од времето на Советскиот Сојуз, и оние во САД, во Европа и други места каде што е концентрирано американското нуклеарно оружје, каде што има американски воени бази. Посакувам на патот кон нуклеарната сцена да го завршиме непријателот без да го преминеме Рубикон. Но, ако треба, што можеме да направиме?” праша Сатановски.
Не е прв пат…
Од почетокот на руската инвазија на Украина во февруари минатата година, руските коментатори и официјални лица изјавија дека Кремљ е подготвен да користи нуклеарно оружје во конфликтот.
Во април оваа година, поранешниот руски претседател Дмитриј Медведев рече дека веројатноста за употреба на нуклеарно оружје – што тој го нарече столб што ја држи земјата заедно – расте секој ден.
Медведев, кој беше претседател на Путин од 2008 до 2012 година, а сега е заменик-шеф на Советот за безбедност на Русија, често упатува нуклеарни закани.
„Според мене, стравовите од климатските промени не се ништо во споредба со изгледите да се биде во епицентарот на експлозија од 5.000 Келвини, со ударен бран од 350 метри во секунда и притисок од 3.000 килограми на метар квадратен, со продорно зрачење, јонизирачко зрачење и електромагнетен пулс, рече Медведев на крајот на април, а неговите зборови ги пренесе руската државна агенција РИА Новости.
„Има ли шанса за тоа денес? За жал да. И тие растат секој ден, од веќе познати причини“, додаде тој.
Претходно, во јануари, во објава на Телеграм во која напиша за поддршката на НАТО за украинската армија, тој рече: „Поразот на нуклеарна сила во конвенционална војна може да биде поттик за нуклеарна војна“.
Сите информации поврзани со најновите случувања со војната во Украина можете да ги прочитате ТУКА.