Претседателот на Русија, Владимир Путин, вечерва ќе им се обрати на граѓаните по повод претстојните парламентарни избори, изјави портпаролот на рускиот претседател, Дмитриј Песков, за новинарите, пренесува ТАСС.
„Во шест часот навечер, претседателот планира да им се обрати на граѓаните на земјата по повод претстојните парламентарни избори преку телевизиско обраќање“, рече тој.
Според Песков, таквото обраќање на претседателот е традиционална практика.
Гласањето ќе се одржи во текот на три дена – од 18 до 20 септември. Вкупно ќе се одржат повеќе од 2.200 избори и други изборни процеси на различни нивоа.
Руските граѓани ќе избираат 20.700 пратеници и раководители на локалните администрации на различни нивоа.
Во исто време, ќе се одржи далечинско електронско гласање во 33 региони. Според најновите податоци на претседателката на Централната изборна комисија (ЦИК) Ела Памфилова, повеќе од четири милиони гласачи аплицирале за учество на овој начин, пренесува РИА Новости.