Рускиот претседател Владимир Путин изјави дека одлуката на Советскиот Сојуз да испрати тенкови во Унгарија и Чехословачка за да ги задушат масовните протести за време на Студената војна е погрешна.
„Тоа беше грешка“, рече Путин на прашањето за перцепцијата на Русија како колонијална сила поради одлуката на Москва да испрати тенкови во Будимпешта во 1956 година и Прага во 1968 година.
„Не е правилно да се прави нешто во надворешната политика што им штети на интересите на другите нации“, рече Путин, кој испрати десетици илјади војници во Украина во 2022 година, предизвикувајќи ја најголемата копнена војна во Европа од Втората светска војна.
Путин рече дека САД ги прават истите грешки како Советскиот Сојуз.
Тој рече дека Вашингтон „нема пријатели, туку само интереси“.
Унгарското востание во 1956 година беше задушено од советските тенкови и армијата.
Во борбите загинаа најмалку 2.600 Унгарци и 600 советски војници.
Прашката пролет во 1968 година заврши кога силите на Варшавскиот пакт предводени од Советскиот Сојуз ја нападнаа социјалистичка Чехословачка.
Како резултат на инвазијата, според чешките историчари, животот го загубиле околу 137 Чеси и Словаци.