Рускиот претседател Владимир Путин ги посети командантот на руската армија во Украина и други високи офицери откако Украина објави успех во контраофанзивата на југоисточниот фронт.
„Владимир Путин одржа состанок во седиштето на групата за специјални воени операции во Ростов на Дон“, се вели во соопштението на Кремљ.
Путин се сретна со Герасимов
Кремљ додаде дека Путин ги слушал извештаите на Валери Герасимов, началник на Генералштабот на армијата, кој е и врховен командант на силите во Украина, и други високи воени команданти и офицери.
Претходно Украина, чијшто напредок во контраофанзивата е побавен од очекуваното, објави дека ослободила мало село за прв пат од јули.
Кремљ не соопшти никакви дополнителни детали за средбата и не е јасно кога се одржала.
На видеата објавени од државната новинска агенција РИА се гледа како Герасимов го поздравува Путин, очигледно ноќе, и го води во зградата откако се ракува.
Герасимов беше цел на остри критики на Пригожин
Герасимов, кој ретко се појавуваше во јавноста во последните месеци, беше цел на остри критики од водачот на платеничката група Вагнер, Евгениј Пригожин и некои руски воени блогери за неговиот неуспех во војната против Украина.
Во Ростов-на-Дон, град на околу стотина километри од украинската граница, се наоѓа командата на рускиот јужен воен округ.
Putin held a meeting at the headquarters of the special military operation group in Rostov-on-Don – he heard reports from Chief of the General Staff Gerasimov, commanders of areas, and senior officers of the group. https://t.co/jKiZkWTuxy pic.twitter.com/HmCdRUIZvy
— Victor vicktop55 (@vicktop55) August 19, 2023
Сите информации поврзани со најновите случувања со војната во Украина можете да ги прочитате ТУКА.