Искусни платеници на приватни руски воени компании се во Украина и и помагаат на руската армија во инвазијата на таа земја, објави денеска британското Министерство за одбрана во својата најнова разузнавачка проценка.
„Во борбите во Украина најверојатно ќе бидат вклучени и приватни воени компании“, се вели во новата проценка на разузнавачките служби на британското Министерство за одбрана.
„Руската држава речиси сигурно одржува значителни врски со руските приватни воени компании, и покрај фактот што постојано го негираше тоа“, се вели во оценката.
Украинската армија пред два дена потврди дека се судрила со членовите на приватната воена компанија Лига, порано позната како Вагнер, во близина на Киев. Се верува дека компанијата ја основал Евгениј Пригожин, бизнисмен тесно поврзан со Путин, пишува Sky News.
Британскиот министер за одбрана Бен Валас им рече на пратениците дека „руската употреба на Вагнер покажува колку Кремљ е очаен“.
Западните влади и аналитичари за човекови права во Африка претходно го обвинија Вагнер за вмешаност во конфликтите во Сирија и Африка. Валас рече дека групата Вагнер е „одговорна за голем број злосторства во Африка и на Блискиот Исток“.
Борељ: Ако влеземе во војна со Русија, ќе започне Третата светска војна
„Фактот што Русија сега ги испраќа во Украина е, би рекол, значаен“, додаде Валас. Ова не е првпат групата Вагнер да биде вклучена во борби во Украина. Имено, таа во 2014 година се бореше со проруските сепаратисти во источна Украина.
Евгениј Пригожин негираше каква било поврзаност со Вагнер, а руската влада негира каква било поврзаност со Вагнер, истовремено тврдејќи дека Вагнер законски не може да постои бидејќи приватните воени компании се забранети во Русија.