Долгогодишниот искусен приватен детектив Али Марш ги откри најчестите знаци дека вашиот партнер ве изневерува.
„Еден од моите најрани случаи беше маж кој забележал дека неговата сопруга станува поладна кон него“, вели таа, додавајќи дека ѝ рекол дека секоја среда навечер излегувал и доаѓал дома многу посреќен отколку кога заминувал, па се посомневала дека го изневерува.
Детективката брзо забележала дека нивната соседка заминува и излегува во исто време со сопругот на нејзината клиентка, па ги следела и открила дека се во љубовна врска.
Но, таа тврди дека најчесто многу брзо се открива неверството, а најдолгото што го потрошила на таква задача биле три недели.
Таа вели дека неодамна ѝ помогнала на една жена да потврди дека нејзиниот сопруг има афера и дошла уште едно шокантно откритие за него.
„Се испостави дека имал неколку афери, но во текот на истрагата открив дека тајно основал и компанија, која дефинитивно влегла во заедничкиот имот при поделбата на имотот за време на разводот“, додаде таа.
Освен што открива прељубници, таа го користи своето знаење и за пронаоѓање на исчезнати луѓе и, како што тврди, има стапка на успех од 98 отсто, на што е многу горда.
„Еднаш го најдов исчезнатиот татко на мало момче, што беше убав крај, а му помогнав и на татко од САД да ја најде ќерката“, открил приватниот детектив, пренесува Мирор.
Али изјавила дека, од нејзиното искуство, ова се четирите најчести предупредувачки знаци дека вашиот партнер ве изневерува:
Промени во нивниот изглед и гардероба – ова може да биде знак дека запознале некој нов, бидејќи кога тоа ќе се случи, луѓето често чувствуваат дека се на нов почеток и вложуваат повеќе во себе.
Промена во рутината – ако вашиот партнер одеднаш доцни на работа, што не се случувало порано, или излегува со денови, ова исто така може да биде знак за неверство.
Одеднаш, теретаната е суштината на денот – ако партнерите се релаксираат дома од почетокот на врската, а потоа одеднаш еден партнер ја посетува теретаната, можеби е време да проверите за каква теретана се работи.
Примање телефонски повици и напуштање на собата кога ќе се јават.
Можеби ова е нешто очигледно, што сите сме го виделе во филмовите, но сепак вреди да се спомене.