Кандидатот на претстојните претседателски избори и крајно десничарски европратеник Гжегож Браун го запали знамето на Европската Унија пред зградата на Министерството за индустрија во полскиот град Катовице.
Пред да го запали знамето, ги избриша чевлите од него.
Европскиот парламентарен имунитет на Браун беше одземен пред неколку дена, а тој се соочува и со кривично гонење од страна на полските власти поради инцидент што се случи во декември 2023 година, кога како делегат во полскиот парламент користел противпожарен апарат за гаснење свеќи за Ханука во знак на протест против прославата на еврејските празници во Полска.
Тој се бранеше велејќи дека Ханука не е религиозен празник, туку историски настан на странска земја и изрази загриженост за она што го смета за контроверзни изјави и постапки на претставници на организацијата „Хабад-Лубавич“, која ја организира годишната прослава на Ханука во полскиот парламент.
Браун се соочува со повеќе обвиненија, вклучувајќи навреда на религиозна група во полскиот парламент, прекинување на предавање за холокаустот во Германскиот институт во знак на протест за тврдењата за вмешаност на Полска и отстранување на елка украсена со ЛГБТ симболи од судот во Краков.
Tu jest Polska 🇵🇱 nie Bruksela! pic.twitter.com/MxGOoaufUe
— Grzegorz Braun (@GrzegorzBraun_) May 6, 2025