Истрели се слушаат од напуштена помошна просторија во атарот на селото Димонце каде се префрли огнот од Руѓинце кое е зафатено од голем пожар.
Како што информира директорот на Центарот за управување со кризи Стојанче Ангелов, дрвената куќа целосно е во пламен, а од внатре се слушаат истрели.
Во пожарот во Руѓинце изгоре и плевна.
– Блиските куќи за среќа не се зафатени од огнот, додава Ангелов.
Инаку во гаснење на пожарот се вклучени и хеликоптер на полицијата и Ер трактор на Дирекција за заштита и спасување.
– Засега нема изгорени куќи, пожарот е до првите куќи во Белјаковце, изгореа една стара напуштена куќа и една дрвена плевна, авионите на ДЗС и хеликоптерот на МВР значително помогнаа, велат од ТППЕ Старо Нагоричане.
Двете села се наоѓаат на територијата на Општина Старо Нагоричане.
Никола Ивановски