Речиси 10 кинески и руски воени авиони накратко влегле и излегле од зоната за идентификација на воздушната одбрана на Јужна Кореја (КАДИЗ), соопшти денеска началникот на здружениот штаб на Јужна Кореја.
Според соопштението, леталото не го нарушило територијалниот воздушен простор на земјата, туку само влегол во пошироката воздушна зона за идентификација над источните и јужните води, по што се повлекле, објави Јонхап.
Јужнокорејската војска наведува дека ги детектирала авионите пред да влезат во КАДИЗ и дека подигнала борбени авиони за можна реакција и следење на ситуацијата.
КАДИЗ не е територијален воздушен простор, туку зона во која се очекува идентификација од странски авиони за да се спречат инциденти и недоразбирања.
Според јужнокорејските власти, инцидентот се случил за време на заеднички воздушни вежби меѓу Кина и Русија во регионот.