Здравјето на познатите личности, првенствено на политичарите кои создаваат светски трендови и влијаат на секојдневниот живот на стотици милиони луѓе, отсекогаш било под лупа.
Абас Гаљамов, кој пишуваше говори за Путин за време на неговите први два мандата, рече дека рускиот претседател покажува јасни ефекти од благиот мозочен удар што наводно го доживеал во 2022 година, пишува Мирор.
Гласините за мозочен удар се проширија кога камерите го фатија Путин како се тресе за време на посетата на белорускиот диктатор Александар Лукашенко две недели по инвазијата на Украина во 2022 година.
– Дефинитивно има здравствени проблеми. Новинарите пишуваат за ракот, но она што го видовме во 2022 година повеќе личеше на последици од благ мозочен удар“, рече Гаљамов во вторникот.
По инвазијата на Украина, се појави рашомон за здравјето на Путин.
Медиумите пишуваа дека има рак, дека на официјалните посети го претставува двојник, а сега поранешен вработен во Кремљ изјави дека Путин преживеал мозочен удар.
За потсетување, Путин во вторникот разговараше со Трамп за 30-дневен прекин на огнот, на што Зеленски веднаш се согласи.
Русија и Украина имаат различни услови, Киев одби дополнителни територијални отстапки.
Украинците бараат враќање на илјадниците украински деца киднапирани од Москва, враќање на цивилите и јасни безбедносни гаранции кои ќе ја заштитат Украина од понатамошни руски напади и потенцијална нова инвазија.
Русија го отфрли присуството на европските армии како дел од мировните сили на територијата на Украина, украинската неутралност и бара гаранција дека Украина никогаш нема да се приклучи на НАТО и прекин на снабдувањето со оружје на Киев од Запад.
Иако Путин и нареди на војската да престане да ја напаѓа енергетската инфраструктура по неговите разговори со Трамп, Москва веднаш нападна рано во средата.
Регионалните власти во регионот Суми во североисточна Украина соопштија дека руските напади со беспилотни летала оштетиле две болници, при што немало повредени, но барало евакуација на пациентите и болничкиот персонал.