Рускиот воен блогер и поранешен разузнавач Игор Гиркин, познат и како Игор Стрелков, повторно го критикуваше начинот на кој рускиот претседател Владимир Путин ја спроведува својата инвазија на Украина.
Гиркин е поранешен руски разузнавач кој одигра важна улога во руската анексија на Крим во 2014 година и последователниот конфликт во источниот украински регион Донбас.
Тој се осврна на воените неуспеси на руските сили во Украина, а ги коментираше и недостатоците на Путин и неговите команданти.
За време на својот настап во Санкт Петербург, Гиркин пред насобраната публика изјави дека уште во мај минатата година рекол дека Русија „не успеала“ во, како што Русите го нарекуваат „специјална воена операција“.
Тој тврди дека руското производство се „распаднало“ за време на војната.
Тој ги нападна „генералите и бирократите“ кои ја насочуваат руската инвазија, велејќи дека со овие луѓе е „невозможно да се спроведе вистинска мобилизација, вистински подготовки или вистинска војна“.
Иако Путин најави делумна мобилизација во септември минатата година, Гиркин, како и многу други воени блогери, е наклонет кон идејата да се воведе воена состојба и да се префрли на воена економија.
„Се е исто како ова лето“
Тој е убеден дека бројните проблеми на руските вооружени сили се предизвикани од недостигот на работна сила.
„Поради оваа причина, нашиот претседател целосно се повлече од управувањето со специјалната воена операција и го делегираше раководството на министерот за одбрана (Сергеј Шојгу) кој лошо ја подготви својата војска, ако тоа може да се нарече подготовка“, рече Гиркин, според Newsweek.
Тој ги опиша руските воени напори како „целосен неуспех“. „Сè оди на ист начин како што беше ова лето“, рече Гиркин, мислејќи на периодот во кој руските сили претрпеа неуспеси поради успешната украинска офанзива.
Клип од настапот на Гиркин на Твитер објави Антон Герашченко, советник на украинскиот министер за внатрешни работи.
„Терористот Гиркин-Стрелков го критикува руското раководство и руската армија за неуспехот да се подготват за војна и предвидува дека Русија е предодредена да ја загуби војната“, напиша Герашченко.
„Кремљ не сака да го претвори Гиркин во маченик“
Инаку, Украина во ноември минатата година го осуди Гиркин во отсуство, заедно со уште еден Русин и Украинец, за убиството на сите 298 лица на летот MH17 на Малезија ерлајнс, кој беше соборен над територијата контролирана од сепаратистите во источна Украина во 2014 година.
И покрај строгите закони кои стапија на сила во Русија минатата година, кои имаат за цел да забранат каква било критика за воената кампања на Кремљ, Гиркин успеа да се извлече со нападот на Путин и руското Министерство за одбрана.
„Кремљ одлучи дека веројатно е најдобро да го користи како сигурносен вентил, наместо да го направи маченик“, објасни Марк Галеоти, директор на Мајак разузнавањето и експерт за Русија.
Terrorist Girkin-Strelkov criticizes Russian leadership and Russian army for failing to prepare for war and predicts Russia is destined to lose the war. pic.twitter.com/1DQjtLnQz9
— Anton Gerashchenko (@Gerashchenko_en) January 30, 2023
Сите информации поврзани со најновите случувања со војната во Украина можете да ги прочитате ТУКА.