Американскиот државен секретар, Мајк Помпео, ја обвини проиранската шиитска милиција за последниот, синоќешен напад врз „Зелената зона“ во Багдад.
-САД најостро го осудуваат последниот напад на милициите поддржани од Иран во меѓународната зона во Багдад. Иако никој од вработените во американската Амбасада не беше повреден, во нападот е ранет најмалку еден Ирачанец, а ирачката цивилна инфраструктура е оштетена. Тоа се истите групи кои напаѓаат дипломатски објекти, масовно ги ограбуваат ирачките државни ресурси, напаѓаат мирни демонстранти и активисти и вршат насилство врз верници од други религии, рече Помпео.
Дравниот секретар ги повика Ирачаните „да го зајакнат својот суверенитет“ и да ги казнат одговорните, како и да ја стават под контрола на државата шиитската милиција, за која Вашингтон вели дека е контролирана од Иран.
Претходно, локалните медиуми соопштија дека „Зелената зона“ во ирачката престолнина синоќа се најде под ракетен опстрел. Системите за воздушна одбрана, лоцирани на територијата на американската Амбасада, го неутрализираа нападот, наведуваат американските медиуми.
Video shows what appears to multiple waves of rockets targeting the US Embassy in #Baghdad while the C-RAM guns attempt to neutralise the rockets pic.twitter.com/FErWZWGBy8
— ??Iraq & Middle East Updates (@IraqLiveUpdate) December 20, 2020
Сашко Димевски