Полска купува оружје од Јужна Кореја за 5,8 милијарди евра

Сподели со своите пријатели

Полска потпиша договор со Јужна Кореја за купување тенкови, хаубици и муниција во вредност од 5,8 милијарди евра, пренесува АП.

Loading...

Тие беа потпишани од полскиот вицепремиер и министер за одбрана Маријуш Блашчак и јужнокорејскиот министер за одбранбени набавки Еом Донг-хван во воената база во северниот полски град Мораг, пренесува Бета.

„Најважно е што првите тенкови и топовски хаубици ќе и бидат достапни на полската армија оваа година. Ја зајакнуваме одбраната на Полска“, изјави Блашчак.

Тенкови и хаубици

Полска ќе купи од Јужна Кореја 180 тенкови од компанијата „Хјундаи Ротем“ во вредност од 3,4 милијарди евра и 212 хаубици од компанијата „Ханхва дифенс“ по цена од 2,4 милијарди евра.

ПРОЧИТАЈТЕ И:  Вештачката интелигенција се заканува на осум милиони работни места во Британија

Договорот вклучува и обука за употреба на оружје, логистичка опрема и муниција.

Се очекува целото оружје да пристигне во Полска до крајот на 2025 година.

Блашчак рече дека двете земји годинава планираат да потпишат договор и за купување на 12 авиони ФА-50, лесни борбени авиони за обука, кои заеднички ги изработија јужнокорејски и полски компании.