Платформата за социјално вмрежување X, порано позната како Твитер, повторно стана достапна за многу корисници во Бразил со ажурирање на нејзината комуникациска мрежа што го заобиколи блокадата наметната од Врховниот суд на Бразил.
За ажурирањето се користеше облак услугата на трети страни, особено безбедносната фирма Cloudflare, пренесува Анадолија.
Ова им овозможи на некои бразилски корисници да пристапат до платформата X преку алтернативни рути надвор од земјата, дури и без користење на виртуелна приватна мрежа (VPN), заклучи Абринт, бразилското здружение на даватели на интернет услуги.
Спорот за слободата на говорот и дезинформациите
Социјалната мрежа Х потврди дека ги вратиле услугите на корисниците во Бразил доцна во средата (Бразилско време).
„Со цел да продолжиме да обезбедуваме оптимална услуга за нашите корисници, ги променивме мрежните провајдери. Оваа промена резултираше со привремено враќање на услугата за бразилските корисници“, се наведува во соопштението.
Врховниот суд на Бразил минатиот месец нареди забрана на популарната платформа во земјата поради спорови околу слободата на говорот и дезинформациите.