Извори од украинската разузнавачка заедница потврдија за Киев пост дека сопругата на шефот на украинската разузнавачка служба Кирил Буданов е отруена.
Запрашан да ги потврди извештаите дека Маријана Буданова се разболела, извор од Украинската одбранбена разузнавачка служба (ГРУ) изјави за Киев пост: „За жал, ова е вистина“.
„Таа отиде на лекар на време, ако отидеше една недела подоцна последиците ќе беа полоши“, вели изворот.
Тие не дадоа повеќе детали, но според Бабел, Буданова (30) моментално е на лекување во болница поради труење со тешки метали, пишува Киев пост.
Истрагата за наводниот обид за убиство на сопругата на шефот на разузнавачката служба е во тек.
Русија постојано беше обвинета за извршување на атентати и обиди за атентат со отрови кои вклучуваат тешки метали – кои обично не се присутни во смртоносни количини во секојдневниот живот.
Буданов, поранешен командос кој изврши низа мисии против руските сили, стана генерал на само 35 години.
Тој самиот бил цел на најмалку 10 атентати.
Во интервју за Радио Слобода, Буданов рече дека Маријана живеела со него во неговата канцеларија во Киев.
#Kyiv Confirms Poisoning of Intel Chief Budanov’s Wife
Sources in the Ukrainian intelligence community have confirmed to Kyiv Post that spy chief #KyryloBudanov’s wife, #MariannaBudanova, is in hospital after being poisoned.https://t.co/hXo5lGTII9
— KyivPost (@KyivPost) November 28, 2023