Осумгодишно девојче повредено во сообраќајна незгода

Осумгодишно девојче се здобило со телесни повреди при сообраќајна незгода што во текот на вчерашниот ден се случила на крстосница од регионалниот пат Липково – с. Слупчане – с. Оризаре, информираат од Министерството за внатрешни работи.

Имено сообраќајната несреќа се случила околу 13:40 часот кога дошло до судир помеѓу патничко моторно возило марка „Опел Зафира“ со кумановски регистарски ознаки управувано од Ќ.С.(29) од с.Слупчане, и автомобил марка „Фолксваген Голф“ исто така со кумановски регистарски ознаки управувано од Ф.Б.(27) од
с.Оризаре.

Во незгодата со тешки телесни повреди се здобила 8 годишна сопатничка во „Опел Зафира“, која била прнесена во Општа болница – Куманово за укажување на лекарска помош.

Увид на лице место извршила увидна екипа на Секторот за внатрешни работи Куманово.