Нуланд: САД поддржуваат напади врз воени објекти на Крим, тие се легитимни цели

Сподели со своите пријатели

Заменик-државниот секретар на САД за политички прашања Викторија Нуланд изјави дека САД ги поддржуваат нападите на Украина врз воените објекти на Крим и дека тоа се легитимни цели, пренесува ТАСС.

Loading...

„Украина нема да биде безбедна доколку Крим не се демилитаризира“, рече Нуланд за време на видео дискусија организирана од Фондацијата Карнеги за меѓународен мир со седиште во Вашингтон, според агенцијата.

Нуланд, исто така, рече дека Киев треба да врати „значајни делови од територијата пред да се појави прашањето за Крим“.

„Нашиот став останува дека Украина има суверено право на целата нејзина територија во нејзините меѓународни граници. Никогаш не сме ја признале руската анексија на Крим“, додаде Нуланд.

ПРОЧИТАЈТЕ И:  Путин: Русија не планира инвазија на Европа, тоа е целосна глупост

На веб-страницата на американскиот Стејт департмент е објавен транскрипт од дискусијата, во кој се наведува дека Нуланд, одговарајќи на прашањето „што сака САД во Украина, на која ѝ е потребно оружје за да ја врати изгубената територија, вклучително и Крим“, рекла дека Вашингтон ќе ја поддржи Украина колку што е можно повеќе за да ја врати контролата врз територијата во нејзините меѓународно признати граници.

Сите информации поврзани со најновите случувања со војната во Украина можете да ги прочитате ТУКА.