Израелскиот премиер Бенјамин Нетанјаху во неделата ја отфрли иницијативата предложена од Египет за краткорочен прекин на огнот со Хамас во Појасот Газа.
Египетскиот претседател Абдел Фатах ал Сиси предложи прекин на огнот во Појасот Газа за да се олесни потенцијалната размена на затвореници, со цел подолгорочно примирје.
„Предложивме дводневно примирје во Појасот Газа за размена на четворица (израелски) заложници за некои (палестински) затвореници, а потоа ќе има преговори десет дена за да се претвори прекинот на огнот во трајно примирје“, рече Ал Сиси за време на заедничката конференција за новинари со алжирскиот претседател Абделмаџид Тебуне во Каиро.
И покрај поддршката на мнозинството израелски министри за египетскиот предлог, Тел Авив одлучи да го отфрли договорот поради противењето на Нетанјаху, кој нагласи дека „преговорите ќе се водат само под оган“, според израелскиот Канал 12.
Каналот потврди дека израелскиот безбедносен естаблишмент, исто така, го поддржал предлогот.
Израел проценува дека 101 негов граѓанин се уште се држат во заробеништво на палестинската група на отпор Хамас во Појасот Газа, а се стравува дека некои веќе се убиени во неселективни израелски воздушни напади врз густо населената област.
Прекршувајќи ја резолуцијата на Советот за безбедност на Обединетите нации со која се бара итен прекин на огнот, Израел продолжи со разорната офанзива на Појасот Газа по минатогодишниот напад на палестинската група на отпорот Хамас.
Оттогаш, според локалните здравствени власти, загинале речиси 43.000 луѓе, главно жени и деца, а повеќе од 100.000 биле повредени.
Израелскиот напад го раселе речиси целото население на Појасот Газа поради тековната блокада што доведе до сериозен недостиг на храна, чиста вода и лекови.
Израел се соочува со обвиненија за геноцид пред Меѓународниот суд на правдата за неговите напади врз Појасот Газа.