Повеќе од 30 лица се уапсени во Киргистан под обвинение дека сакале да организираат немири и државен удар, соопшти денеска тајната служба на централноазиската република ГКНБ.
„Државниот комитет за национална безбедност на Република Киргистан ги разби незаконските активности на група луѓе кои тајно се подготвуваа да организираат немири во земјата со цел насилно да ја преземат власта“, се вели во соопштението, додавајќи дека повеќе од 30 лица кои беа уапсени во понеделникот „признаа“.
Лидерот на вонпарламентарната партија „Елдик Кенеш“ (Народен совет) е обвинет дека е мозокот на групата од повеќе од 100 луѓе и дека „организирал тајни состаноци на разговори за плановите за насилно преземање на власта“.
ГКНБ наведува дека споменатата групација требала „наскоро да добие финансии од странство“.
Вчера, видеата објавени во локалните медиуми покажаа вооружени мажи како апсат поединци.
Синоќа официјалната новинска агенција Кабар потврди дека апсењата ги вршела тајната служба, без да даде дополнителни информации.
Поранешната советска република, која беше во сојуз со Русија и се приближуваше кон Кина, помина низ бројни политички кризи со три револуции (2005, 2010, 2020) од распадот на Советскиот Сојуз во 1991 година.
Апсењата беа извршени само неколку дена по посетата на претседателот на Европскиот совет, Шарл Мишел, на Киргистан, при што претседателот на земјата Садир Жапаров даде уверување дека е подготвен за тесна соработка со Европската унија.
Иако земјата долго време ужива релативен медиумски и политички плурализам во регион каде слободата на медиумите останува ограничена, невладините организации укажуваат на зголемени притисоци врз медиумите и граѓанското општество.
На крајот на мај, лидерот на најголемата опозициска партија во парламентот и поранешен кандидат за националистичките претседателски избори, Адкан Мадумаров, беше кривично гонет за „неред, присилно превземање на големи и злоупотреба на власта“.
Ниту обвинителот ниту парламентот не прецизираа на што се однесуваат тие обвинувања.
BREAKING:
Kyrgyzstan is carrying out arrests against a number people suspected of preparing a coup d’etat pic.twitter.com/ldAYlLAXs6
— Visegrád 24 (@visegrad24) June 5, 2023