На 11ти ноември во рамките на програмата за одбележување на Денот на ослободување на Куманово ќе се одржи трката „Born 2 Run“.
Трката е настан организиран од Центар за интеркултурен дијалог – ЦИД во соработка со Општина Куманово, Мисијата на ОБСЕ во Скопје и МВР-СВР Куманово, а главна цел е да ги собере младите од Куманово и државата на едно место каде што ќе имаат можност да спортуваат, да се дружат и да создаваат нови позитивни искуства.
Born 2 Run е веќе добро познат и посакуван настан меѓу младите кој оваа година по шести пат се одржува во нашиот град.
Трката ќе се одржи на 11ти ноември 2023 и ќе започне од градскиот плоштад „Нова Југославија”.
Меѓу истакнатите гости кои ќе присуствуваат на овој настан се и претставници на Мисијата на ОБСЕ во Скопје, градоначалникот на општина Куманово, претставници од СВР Куманово и многу други гости.
Добредојдени да учествуваат се сите, само треба да се регистрираат пред почетокот на трката од 11 до 12 часот на самото место.
Трката ќе започне во 13:00 часот, а час и половина подоцна ќе се доделат и награди за најдобрите.
Како што информираат организаторите, за време на трката ќе бидат блокирани одредени улици во град Куманово и тоа: „Гоце Делчев“, „IIIта МУБ“, „Железничка“, „Октомвриска Револуција“ и „Доне Божинов“.
Рутата на самата трка е достапна ТУКА.