Михаил Подољак, виш советник на украинскиот претседател, го отфрли кинескиот предлог за прекин на војната во Украина. Тој тоа го нарече нереално.
„Пекинг не треба да се обложува на агресор кој го прекршил меѓународното право и ќе ја изгуби војната“, напиша Подољак на Твитер.
Документот од 12 точки на кинеската влада за Украина беше објавен во петокот наутро, на првата годишнина од руската инвазија.
If you claim to be a global player, you don’t offer an unrealistic plan. You don’t bet on an aggressor who broke intl law and will lose the war. It’s not far-sighted. As someone who plans for decades doesn’t play “🇷🇺 3-day games.”
China, the “window of opportunity” is not endless— Михайло Подоляк (@Podolyak_M) February 25, 2023
Во него, Пекинг повика на мировни разговори, повикувајќи ги сите страни да избегнат нуклеарна ескалација и да ги прекинат нападите врз цивилите, во изјава која се чини дека се држи до својот став дека Западот го поттикнува конфликтот, а кој аналитичарите го отфрлија како непопустлив.
Документот, за кој Украина не беше консултирана, беше претпазливо поздравен од Киев. „Кина почна да зборува за Украина и тоа не е лошо“, рече Зеленски на вчерашната прес-конференција.
„Ми се чини дека постои почитување на нашиот територијален интегритет, безбедносни прашања“, додаде тој.
Подољак вчера рече дека секој план за ставање крај на руската војна во Украина мора да вклучува повлекување на руските трупи назад до границите на Украина од 1991 година, кога се распадна Советскиот Сојуз.
Сите информации поврзани со најновите случувања со војната во Украина можете да ги прочитате ТУКА.