Воен авион МиГ-31 се урнал во Приморски крај во југоисточна Русија.
Пилотите се катапултирале, соопштија од итните служби, пренесуваат медиумите.
– Борбено-пресретнувачот МиГ-31 падна во шумата на десет километри од градот Алексеевка во областа Надежински – пренесува Тасс.
Се проверува состојбата на пилотот.
Според првичните податоци, нема жртви во падот на леталото.
Информацијата ја потврди прес-службата на Источниот воен округ.
Како што е прецизирано, авионот се урнал за време на планираниот тренинг лет.
– Летот беше изведен без борбен комплет. Авионот паднал на ненаселено место, на земја не е причинета материјална штета. Според првичните информации, несреќата можела да биде предизвикана од технички дефект – се наведува во соопштението.
На местото на настанот се испратени спасувачки хеликоптери Ми-8.