Кик-боксерите на КБК Куманово 2006 се во Сараево каде ќе се натпреваруваат во рамките на Европскиот кик бокс куп.
Станува збор за куп кој ги опфаќа сите категории и возрасти, а се одржува од 3 до 6 април.
– Самото учество на купот е успех, конкуренцијата и бројноста на натпреварувачите е голема, но ние ќе се обидеме да се прикажеме во добро издание и да донесеме добри резултати, истакна тренерот Сашо Илиевски.
Инаку Македонија ќе има поголем број учесници од повеќе клубови предводени од претседателот на Кик бокс федерацијата Дејан Митровски Урко.
– Очекуваме доста медали како и на сите меѓународни натпревари каде учествуваме. Благодарност до Општинскиот сојуз на спортови Куманово и компанијата Махагони кои помогнаа да можеме да земеме учество на купот, изјави Илиевски.
Никола Ивановски