Јутуб објави дека платил повеќе од 6 милијарди долари на музичката индустрија помеѓу јули 2021 и јуни 2022 година.
Тоа е зголемување од 2 милијарди долари во однос на исплатите од 4 милијарди долари што компанијата ги објави минатата година, пишува Hollywood Reporter.
Содржините генерирани од корисници учествуваа со 30% од исплатите на уметниците, текстописците и носителите на правата, објави компанијата.
„Не би можел да бидам повеќе горд на напредокот на Јутуб со враќањето на приходите во музичката индустрија отколку што сум“, рече Лиор Коен, глобален шеф за музика на YouTube, во изјавата.
„Остануваме фокусирани да станеме најголемиот придонесувач за приходи во индустријата, а исто така градиме поврзувачко музичко искуство во сите музички формати за обожавателите и уметниците што овозможува откривање, потрошувачка и учество“, додаде тој.
Сакаат комбинација од реклами и претплати да биде главниот генератор на приходи до 2025 година
Во посебен блог објавен во вторникот, Коен рече дека сака комбинацијата на реклами и претплати да биде „број 1 придонесувач на приходите во индустријата до 2025 година“.
Тој, исто така, укажа на напорите на Јутуб за монетизација на повеќе формати, вклучувајќи кратки форми и видеа во живо.
Рекламниот бизнис на YouTube, кој забележа рекорден раст во претходните години на пандемијата, донесе приход од 7,3 милијарди долари во вториот квартал.
Минатата година YouTube соопшти дека надминал 50 милиони претплатници на YouTube Music, вклучувајќи бесплатни и корисници кои плаќаат.
YouTube сака да го промени односот со уметниците и носителите на правата
Како што компанијата го развива својот музички бизнис, YouTube исто така бара да ги промени своите односи со уметниците и носителите на правата.
Во август, YouTube заедно со Amazon Music, Apple Music, Pandora и Spotify постигнаа договор со врвните музички издавачи за постепено зголемување на стапките на авторски права на 15,35% во следните пет години.
Договорот помогна да се избегне повторување на долготрајната правна битка меѓу стримерите како Spotify и YouTube и носителите на музички права, кои се борат за стапките на авторски права за периодот 2018-2022 година.