Јужна Кореја, покрај хуманитарната и економската помош, би можела да ја прошири и својата поддршка за Украина доколку таму има цивилен напад од големи размери, најави претседателот Јун Сук-Јол.
Пред официјалната посета на Вашингтон следната недела, Јун изјави за Ројтерс дека неговата влада истражува начини да помогне во одбраната и обновата на Украина, исто како што Јужна Кореја доби меѓународна помош за време на Корејската војна 1950-1953 година.
Ако постои ситуација што меѓународната заедница не може да ја толерира, како што е напад од големи размери врз цивили, масакр или сериозно кршење на правилата на војната, можеби ќе ни биде тешко да инсистираме само на хуманитарна или финансиска поддршка, Јун кажа.
Ова е првпат Сеул да покаже подготвеност да испрати оружје во Украина, повеќе од една година откако ја отфрли можноста за таква поддршка, според Ројтерс.
– Верувам дека не може да има ограничување на опсегот на поддршка за одбраната и обновата на земјата која е незаконски нападната и според меѓународното и според домашното право, рече Јун.
Тој исто така изјави дека Сеул „ќе ги преземе најсоодветните мерки во согласност со односот што го има со страните вклучени во војната и настаните на бојното поле“.
Џун треба да го посети Вашингтон следната недела и да се сретне со американскиот претседател Џозеф Бајден за да ја одбележи 70-годишнината од сојузот меѓу двете земји.
Сите информации поврзани со најновите случувања со војната во Украина можете да ги прочитате ТУКА.