Во пресрет на утрешната прва полуфинална вечер на големото евровизиско шоу, вчера беше организирана свеченост на црвениот килим во Киев на кој продефилираа сите земји учеснички.
Loading...
Меѓу нив и претставничката на Република Македонија, Јана Бурческа која блесна со својата убавина и сексапил и веќе со денови е во центарот на вниманието на странските медиуми кои го следат ова музичко доживување.
По 62 пат утре започнува Евровизија, каде ќе настапат 18 држави: Шведска, Грузија, Австралија, Албанија, Белгија, Црна Гора, Финска, Азербејџан, Португалија, Грција, Полска, Молдавија, Исланд, Чешка, Кипар, Ерменија, Словенија, и Летонија.
Македонија ќе настапи во втората полуфинална вечер заедно со Австрија, Србија, Малта, Романија, Холандија, Унгарија, Данска, Ирска, Сан Марино, Хрватска, Норвешка, Швајцарија, Белорусија, Бугарија, Литванија, Естонија и Израел.
На втората полуфинална вечер право на глас ќе имаат публиката и жири комисијата од земјите учеснички на второто полуфинале, како и директните финалисти од Германија, Укриана и Франција.
Ова е вторпат Украина да биде домаќин на изборот на песна на Евровизија, а според квалитетот на песната нашата Јана заслужува финале на голема врата.
Comments are closed, but trackbacks and pingbacks are open.