Во изминатата недела Царинските службеници заплениле поголем број различни стоки при контроли на Граничниот премин Табановце.
– Службата за мобилни скенери на влез во државата на граничен премин Табановце при извршена контрола на камион заплени девет јакни, информираат од Царинската управа.
Непријавените производи, како што додаваат, биле откриени во креветот во кабината на камион со македонски регистарски ознаки, управуван од македонски државјанин.
90 електронски цигари биле откриени во фабричка празнина од камион.
– Во друг случај мобилен царински тим заплени и 90 електронски цигари откриени во фабричка празнина во подвозјето на камион управуван од македонски државјанин. Случајот е откриен на граничен премин Табановце на влез во државата, велат од ЦУ.
Цариниците успеале да запленат и воздушна пушка GAMO/SPAIN, модел BIG CAT 1000-E, со оптички нишан и ласер.
Како што појаснуваат биле пронајдени во багажникот на автомобил со српски регистарски таблички со кој српски државјанин се пријавил за влез во државата на граничниот премин Табановце.
– Во друг случај Службата за мобилни скенери при контрола на камион на влез во државата на граничен премин Табановце откри телевизор Samsung и една хармоника Ramses Professional. Производите се пронајдени на креветите во кабината на камионот управуван од македонски државјанин, стои во соопштението.
Цариниците запланиле и пет употребувани акумулатори, комплети рачни алати, сталажа за алат, комплет робот-правосмукалка марка Dreame X40 Ultra robot.
– Тие се откриени од Службата за мобилни скенери, при контрола на камион на влез во државата на Табановце. Непријавените производи се пронајдени во кабината и во товарниот дел на камион-кипер со австриски привремени таблички, управуван од македонски државјанин, додаваат од Царинската управа.
Никола Ивановски