Иранскиот министер за надворешни работи и главниот нуклеарен преговарач во вторникот во Јордан се состанаа со високиот претставник на Европската унија за надворешна политика и безбедност и функционерот на ЕУ кој ги координира нуклеарните преговори со Иран, објави иранската официјална новинска агенција ИРНА.
Иранскиот министер за надворешни работи Хосеин Амирабдолахиан и преговарачот за нуклеарно оружје Али Багери Кани се сретнаа со шефот за надворешна политика на ЕУ, Жозеп Борел и координаторот за нуклеарни преговори Енрике Мора, пред регионалната конференција чиј домаќин е Јордан.
ИРНА не даде повеќе детали за средбата, пренесува Ројтерс.
Разговорите за обновување на нуклеарниот договор со Иран од 2015 година се во ќорсокак од септември.
Западните сили ја обвинуваат Исламската Република за неразумни барања откако се чинеше дека сите страни се приближуваат до договор.