Илјадници луѓе се гушат поради голема песочна бура која го покри небото (ВИДЕО)

On:
Сподели со своите пријатели

Повеќе од илјада луѓе имаат респираторни проблеми откако песочната бура ги зафати централните и јужните делови на Ирак, соопштија здравствените власти.

Loading...

Официјален претставник од провинцијата Мутана изјави за АФП дека се регистрирани најмалку 700 случаи на гушење.

Снимките споделени на социјалните мрежи покажуваат области покриени со густа портокалова магла, додека локалните медиуми објавија прекини на струја и прекин на летовите во неколку региони.

Песочните бури се честа појава во Ирак, но некои експерти веруваат дека стануваат се почести поради климатските промени.

Пешаците и полицијата носеа маски за да се заштитат од прашината, а медицински тимови беа на терен за да им помогнат на луѓето со тешкотии со дишењето, според АФП.

ПРОЧИТАЈТЕ И:  СЗО постигна договор за заеднички одговор на идните пандемии

 

 

Loading...

Болниците во провинцијата Мутана во јужен Ирак примиле најмалку „700 случаи на гушење“, изјави локален здравствен претставник.

Повеќе од 250 луѓе побарале медицинска помош во провинцијата Наџаф, а најмалку 322 пациенти, меѓу кои и деца, биле примени во болниците во провинцијата Диванија.

Дополнителни 530 лица пријавиле проблеми со дишењето во провинциите Ди Кар и Басра.

Песочната бура ги покри јужните провинции на Ирак со портокалов облак кој ја намали видливоста на помалку од еден километар, пишува Би-Би-Си.

ПРОЧИТАЈТЕ И:  Забрана која ги збунува сите патници - повеќе не можете да го носите овој уред во авион

Властите беа принудени да ги затворат аеродромите во провинциите Наџаф и Басра.

 

 

Loading...

Според локалните метеоролошки служби, се очекува постепено подобрување на условите до вторник наутро.

Според податоците на ОН, Ирак е меѓу петте земји најранливи на климатските промени, со чести песочни бури, екстремни горештини и недостиг на вода.

Силната песочна бура во 2022 година предизвика смрт на едно лице и потреба од медицинска помош на повеќе од 5.000 лица со респираторни проблеми.

Според ирачкото Министерство за животна средина, земјата ја очекуваат уште повеќе „правливи денови“ во иднина.

ПРОЧИТАЈТЕ И:  Силен земјотрес го погоди Авганистан