Ривалските палестински групи Хамас и Фатах се сретнаа денеска во Кина за да одржат разговори за помирување и да се договорат за продолжување на преговорите.
Loading...
„Пред неколку дена во Пекинг пристигнаа претставници на Палестинското национално ослободително движење (Фатах) и на Движењето на исламскиот отпор (Хамас) на длабинска и искрена дискусија“, изјави портпаролот на кинеското Министерство за надворешни работи Лин Џен.
Тој додаде дека двете страни и се заблагодариле на Кина за нејзините напори за „промовирање на палестинското единство“ и се согласиле да продолжат со преговорите, пренесува Ројтерс.
Двете групи водеа кратка војна во 2007 година, кога Хамас го протера Фатах од Појасот Газа.