Стадо од 18 слонови е пронајдено мртво во Нагаон, северо-источно од индиската држава Асам, а државните власти соопштија дека слоновите биле убиени од гром во заштитениот резерват Кандоли.
Жителите ги информирале властите откако во шумата пронашле трупови на животни, пренесе „Би-Би-Си“.
Главниот државен министер Асам Хиаманта Сарма изјави дека е загрижен за смртта на „толку голем број слонови“ и дека е наредена истрага. Во Индија има повеќе од 27 000 азиски слонови, од кои 21 процент се во Асам.
Ова е прв пат во последните 20 години толку многу слонови да умрат во Асам истовремено.
Државниот министер за шуми Паримал Суклабаиџа на Твитер изрази „длабока болка“ за повредените слонови „поради невремето“ во областа Катиатоли.
Тој рече дека службениците за заштита на природата и дивиот свет наскоро ќе бидат на лице место.