Федералната служба за безбедност на Русија (ФСБ) денеска соопшти дека спречила терористички напад на украинските специјални сили на Јужниот гасен коридор (Турски поток), а приведени се државјани на Руската Федерација кои учествувале во подготовка на тероризам.
Центарот за односи со јавноста на ФСБ во Русија ја откри оваа информација за агенцијата ТАС С.
„ФСБ спречи обид на украинските специјални сили да извршат саботажа и терористички акт на Јужниот гасен коридор, преку кој се испраќа гас за Турција и Европа“, соопшти Центарот на ФСБ.
Се наведува дека се приведени четворица руски државјани, пренесува Танјуг.
Агенцијата РИА Новости посочува дека при претресот на становите на осомничените биле пронајдени четири магнетни мини, четири килограми пластичен експлозив, 593.000 рубљи и средства за комуникација кои содржеле кореспонденција и преговори со шефот на украинските специјални служби.