Франција ќе ја зголеми безбедноста пред синагогите и верските училишта

Сподели со своите пријатели

Францускиот министер за внатрешни работи Жералд Дарманен денеска побара од полициските префектури да ја зголемат безбедноста пред синагогите, како и пред верските училишта, еден ден по нападот на Иран врз Израел и пред еврејскиот празник Пасха.

Loading...

Дарманен побара од полицијата да има видливо присуство пред „најчувствителните“ места за богослужба и згради.

Францускиот министер рече дека како што се приближува Пасхата од 22 до 30 април, треба да се посвети поголемо внимание и на собирите кои привлекуваат голем број луѓе.

Дарманен рече дека од утре чуварите треба да бидат присутни пред влезот на верските училишта за време на влезот и излезот на учениците, пренесува Бета-Франс прес.

ПРОЧИТАЈТЕ И:  Поранешен градоначалник на Јужна Дакота обвинет за тројно убиство

Таа одлука е донесена поради „многу високо ниво на терористичка закана“, „високо ниво на антисемитски акти и тензии на меѓународно ниво“, вклучително и иранскиот напад врз Израел, додаде Дарманен.