Спасувачите евакуираа уште повеќе луѓе од околните села во понеделникот, откако вулканот еруптираше на врвот на планината Семеру во Индонезија, а властите предупредија на опасноста од ладење на лавата и покрај намалената активност на вулканот.
Повеќе од 2.400 жители ги напуштија своите домови и се засолниле во 11 центри за евакуација, откако највисоката планина на островот Јава еруптираше рано наутро во неделата.
– Армијата, полицијата и официјалните лица продолжуваат да ги евакуираат луѓето од градот Курах Кобокан, каде што постои можност да пристигне пепел и лава – изјави за локалната телевизија Абдул Мухари, портпарол на индонезиската агенција за ублажување на катастрофи.
Тој рече дека досега вкупниот број на евакуирани е 2.489.
Официјалните лица објавија вонредна состојба за следните две недели, а властите дистрибуираа бесплатни маски за заштита од пепелта што се пренесува во воздухот додека поставуваа јавни кујни за евакуираните.
Во понеделник наутро, десетици евакуирани во областа Лумајанг, каде што се наоѓа Семеру, се вратија во своите домови покриени со пепел за да соберат важни предмети пред да се вратат во засолништата, пренесува АФП.