Турскиот претседател Реџеп Таип Ердоган разговарал со рускиот претседател Владимир Путин и се согласил следната рунда разговори меѓу Украина и Русија да се одржи во Истанбул.
Ердоган го повикал Путин да го прекине огнот и подобри хуманитарни услови за цивилите по руската инвазија на Украина, објави неговиот кабинет.
Ердоган ја истакнал потребата од што поскоро прекин на огнот во Украина.
Тој исто така рекол дека Турција е подготвена да обезбеди хуманитарна помош, пренесува руската новинска агенција Интерфакс.
Турција се надева дека преговорите во Истанбул ќе доведат до прекин на огнот и мир во Украина, изјави турскиот министер за надворешни работи Мевлут Чавушоглу.
„Се надеваме дека овие преговори ќе доведат до прекин на огнот и ќе создадат услови за мир“, рече тој.