Економските мерки поттикнаа раст на индустриското производство за 6,3% во февруари, вели Владата

Сподели со своите пријатели

Зголеменото индустриско производство за 6,3% во февруари годинава, споредено со истиот месец лани е доказ за добро концептираните економски мерки на Владата на Република Северна Македонија кои даваат видливи резултати.

Loading...

Податоците за растот на индустриското производство кои денеска ги објави Државниот завод за статистика покажуваат дека индустријата закрепнува и го забрзува растот.

Во јануари 2022 година беше забележан раст од 0,7% во однос на јануари 2021 година, додека овој месец порастот изнесува 6,3% во однос на истиот месец лани.

Според податоците од Државниот завод за статистика највисок раст гледано по сектори бележат рударство и вадење на камен 25,2%, снабдување со електрична енергија, пареа и климатизација 9,6% и преработувачката индустрија 4%.

ПРОЧИТАЈТЕ И:  Димитриевски: Македонскиот е мал народ, но голем во срцето

Во главните индустриски групи, производството во февруари 2022 година, во однос на февруари 2021 година, бележи пораст кај трајни производи за широка потрошувачка за 61,5%, енергија за 14,6%, интермедијарни производи, освен енергија 14,6% и капитални производи за 3,2%.

Владата продолжува да ја следи економската состојба во државата и да интервенира на соодветен начин преку разни мерки и механизми кои ќе го поттикнат економскиот раст и развој.

Интегрално соопштение