Два патнички авиони за малку ќе се судреа над Лос Анџелес (ВИДЕ)

On:
Сподели со своите пријатели

Американските воздухопловни власти истражуваат инцидент што се случи минатиот викенд над Лос Анџелес, кога два патнички авиони опасно се приближија еден до друг кратко по полетувањето од меѓународниот аеродром LAX.

Настанот се случил на 7 ноември, околу 00:20 часот по локално време, пишува CBS News.

Неодобрено свртување

Според информациите од Федералната администрација за воздухопловство (FAA), летот 28 на Ер Франс за Тахити направил „неодобрено свртување“ веднаш по полетувањето.

Поради ова, тој се нашол на патот на друг авион, летот 1660 на Американ ерлајнс (American Airlines) за Далас, кој истовремено полетал од паралелната писта.

ПРОЧИТАЈТЕ И:  Ердоган: „Не сакаме да видиме нов бран напади врз Иран“

На пилотите на Ер Франс им било наредено нагло да свртат надесно и да се вратат на нивната доделена рута.

Во исто време, на екипажот на Американ ерлајнс му било наложено да ја намали надморската височина, објавува Index.

Неодговорени прашања

Откако опасноста била отстранета, контролорите постојано ги прашувале пилотите на „Ер Франс“ зошто отстапуваат од планираната патека, но дури и по речиси 20 минути комуникација, не добија јасен одговор.

„Ми треба одговор. Какви инструкции за полетување добивте од кулата?“, прашањето на контролорот до францускиот екипаж може да се слушне на снимката.

Контролата на летање го класифицираше настанот како „можна грешка на пилотот“. „Ер Франс“ и „Американ ерлајнс“ сè уште не го коментираа инцидентот.

ПРОЧИТАЈТЕ И:  Кина се огласи за случајот со Nvidia: Тврдењата за обид за шпионажа се клевета против Пекинг