Данските власти денеска соопштија дека размислуваат да купат повеќе американски борбени авиони Ф-35, и покрај затегнатите односи со американскиот претседател Доналд Трамп, кој сака да го анектира Гренланд, автономен регион на Данска.
„Треба да го зголемиме бројот на борбени авиони. Совршено е логично да се набават дополнителни Ф-35“, изјави за новинарите данскиот министер за одбрана Троелс Лунд Пулсен, чија земја инвестира многу во својата одбрана разгледувајќи ги другите опции.
„Целосно е нереално да се мисли дека би можеле да ја прекинеме соработката со САД и да престанеме да купуваме воена опрема од нив. Не е лесно да се гледа како новата американска администрација кажува работи со кои ние не се согласуваме, но прекинувањето на соработката што трае повеќе од 75 години е, според мене, целосна грешка“, рече данскиот министер.
Од првите најави на Трамп за намерата на САД да го заземат Гренланд, политичката класа на тој огромен арктички остров, со поддршка на Копенхаген, повеќе нагласи дека е „бизнис“, но не е „на продажба“.