Часот на апокалипсата, кој ја симболизира неизбежноста на глобалната катаклизма, напредуваше за 20 секунди кон полноќ и одбележува 100 секунди до полноќ, соопшти групата научници кои велат дека годишно ги прилагодуваат стрелките според светските настани.
Научниците сега предупредуваат за климатските промени и ширењето на нуклеарното оружје.
„Отсега, во секунди, го одбележуваме времето кое светот го дели од катастрофа, не веќе во часови или минути“, рече Рејчел Бронсон, претседател и извршен директор на Билтенот на нуклеарни научници (Bulletin of the Atomic Scientists – BSA).
Часовникот минатата година беше на две минути (120 секунди) до полноќ, а стрелката сега беше преместена 20 секунди поблиску до полноќ.
Група експерти, вклучувајќи 13 добитници на Нобелова награда, го одредуваат времето на часовникот секоја година.
Експертите стравуваат од поништување на меѓународниот договор за иранската нуклеарна програма, како и од исходот од преговорите за нуклеарната програма на Северна Кореја.
Експертите изразија разочарување од тоа што ниту еден од најголемите самити за климатски промени не ги натера големите загадувачи да ги преземат потребните чекори за ограничување на емисиите на стакленички гасови.
Тие, исто така, се осврнаа на кампањи за дезинформации и појава на оружје за вештачка интелигенција, како што се беспилотни летала што можат да убиваат без надзор на човекот.
„Ги повикуваме светските лидери да го тргнат човештвото подалеку од бездната. Време е да се собереме и да дејствуваме“, рече научникот Мери Робинсон.
Часот на апокалипсата или денот на несреќата настанал веднаш по почетокот на Студената војна и редовно се ажурира од 1947 година од страна на научниците од БСА на Универзитетот во Чикаго.
Полноќ го претставува крајот на светот.
Научниците ја користат аналогијата за броење на времето до полноќ за да предупредат на опасностите од нуклеарни, еколошки и технолошки закани.