Адам Бритон се изјасни за виновен по 60 точки од обвинението за перверзија и злоупотреба на деца и животни во Австралија.
Познат британски експерт за крокодили се изјасни за виновен по 60 обвиненија за развратност и злоупотреба на деца и животни во Австралија.
На австралискиот суд му било кажано дека Адам Бритон се снимал себеси како измачува десетици кучиња додека скоро сите не умреле.
Потоа ја објавувал снимката на интернет, каде што имал пристап и до материјали за злоупотреба на деца.
Бритон, зоолог кој правел емисии за BBC и National Geographic, наскоро ќе биде осуден.
Во судот, обвинителите презентираа докази против него, а бидејќи многу од деталите за злосторствата на Бритон беа премногу графички, судијата Мајкл Грант им нареди на присутните да ја напуштат судницата.
Судијата рече дека е загрижен оти сослушувањето и презентирањето на фактите за случајот може да предизвика „страшен шок“, објавија локалните медиуми.
Бритон имал „садистички сексуален интерес“ за животните од најмалку 2014 година, велат обвинителите, а освен што ги искористувал сопствените миленици, тој манипулирал и со другите сопственици на кучиња да му ги дадат своите.
Тој ја искористил Gumtree, онлајн платформа, за да најде луѓе кои често ги оставаат своите миленици поради патувања или работни обврски.
Би посвоел некои од тие животни, а кога поранешните сопственици ќе го прашале за милениците, тој им кажувал „лажни приказни и испраќал стари фотографии“.
Тој малтретирал животни во бродски контејнер на сопствен имот, кој бил опремен со опрема за снимање.
Обвинителите го нарекоа објектот „соба за мачење“, а Бритон објавувал видео снимки од грозоморни дела на интернет под псевдоними.
Така, едно од видеата на крајот било предадено на полицијата која го уапси Бритон во април 2022 година.
Од 42 кучиња што ги малтретирал во 18 месеци пред апсењето, 39 умреле.
На Бритон му е одреден притвор и повторно ќе се појави на суд во декември, кога ќе му биде изречена пресудата.
Роден во Западен Јоркшир, Бритон пораснал во Велика Британија пред да се пресели во Австралија.
Таму се занимавал со крокодили повеќе од 20 години.
Со докторат по зоологија, 51-годишникот изгради глобална репутација за експертиза, предавајќи на Универзитетот Чарлс Дарвин, дури и беше домаќин на Дејвид Андерборо за време на снимањето на документарниот филм Живот во ладна крв.