Бразилските власти започнаа „мега операција“ во Рио де Жанеиро, испраќајќи речиси 2.000 воени и цивилни офицери во 10 сиромашни населби за да ја вратат контролата врз областите во кои доминира организираниот криминал.
„Безбедносните сили на државната влада се на улица и се борат против криминалните организации кои сакаат да земат граѓани како заложници“, рече гувернерот Клаудио Кастро, пренесува АП.
Полициски службеници беа распоредени во западниот дел на градот, област која беше цел на интензивни територијални спорови во кои беа вклучени трговци со дрога во последните години, соопшти државната влада на Рио де Жанеиро.
Ширењето на организираниот криминал во западниот дел на Рио де Жанеиро доведе до големи конфликти меѓу властите и различните фракции на групите за шверц на дрога.