BOSCH планира да елиминира до 1.500 работни места во две германски фабрики до 2025 година, а тоа го објаснува со прилагодување на бројот на вработени на условите на промена на побарувачката и технологиите во автомобилскиот сектор.
Неделникот Automobilwoche беше првиот што објави за кратење на работни места.
„Гледаме потреба да се приспособат до 1.500 работни места“
„Како и другите компании, ние мораме да го прилагодиме бројот на вработени на состојбата на нарачките, структурните промени во секторот и навлегувањето на пазарот на идните технологии“, рече портпаролот на Bosch.
„Гледаме потреба за прилагодување до 1.500 работни места до крајот на 2025 година во областите на развој, администрација и продажба во бизнисот Drives во фабриките Фојербах и Швибердинген“, објави тој.
Бош рече дека ќе се обиде да го постигне ова со префрлање на вработените во други сектори, предвремено пензионирање или договори за доброволен отказ, додавајќи дека деталите се преговараат со работниот совет.