Унгарија сè уште не одлучила дали ќе го поддржи продолжувањето на санкциите на ЕУ кон Русија на крајот на овој месец.
Тој смета дека Унијата треба да одлучи за ова прашање дури по консултации со идната администрација на новоизбраниот американски претседател Доналд Трамп, изјави денеска во Брисел унгарскиот министер за ЕУ Јанош Бока.
„Мислам дека е природно пред да одлучиме за продолжување на санкциите за уште шест месеци, да ја прашаме новата американска администрација како ја гледаат иднината на режимот на санкции“, изјави Бока за новинарите, пренесе Ројтерс.
Бока изјави дека санкциите, кои треба да бидат обновени на крајот на месецот, се однесуваат на различни економски сектори и замрзнување на средствата на руската централна банка.
ЕУ воведе 15 пакети санкции кон Москва од почетокот на рускиот напад врз Украина во 2022 година и работи на најновиот пакет мерки, пренесува Танјуг.